...խոկմունք արևմուտքի

...խոկմունք արևմուտքի

( ...իմ պաղ մեղեդին գիշերներ հագնում,

արձագանքվում է մեր արևմուտքում: )

Ունայնություն է...

Հուշիկ մաղվելով

Հետքեր են հուշի քնհար թրթռում,

Ու ես՝ կարոտով, աշունը՝ թույրով,

Պաղ մեղեդի ենք նորից կարկատում:

Աստղաբույլերի ոսկեթելն առած՝

Մրմունջ եմ հինում իմ արևմուտքին,

Դալուկ շուրթերիս դողով հա երգված՝

Հողն եմ երազում անոք, արյունիս:

Աննինջ աղոթքիս փոշին թոթափում,

Մենում եմ վաղվան, նոր ապրիլներին,

Փշրված հույսի խաշամը այրում,

Կռունկի թևով թևում եմ նորին:

Ու իմ կարոտով, աշունքիս թույրով

Մենուկ վանքերիս դռներն եմ թակում,

Խուլ անապատի չոր արցունքներով

Ամեն մի խաչի փեշն եմ համբուրում:

Հույս եմ մատաղում...

Պատուհանիս տակ

Անմոռուկները հինգը թև առած՝

Չորս եղանակներ երկնագույն մանում,

Մեր արևմուտքն են մեզ հետ պանաջում:

Նելլի Ռումել 2014

...հայի աչքերում

...հայի աչքերում

Քո գարունները դու կճանաչես
Ամեն թարթի մեջ կարոտ աչքերիս:
Կքաղե՜ ս,
Սրտիդ այնպե՜ ս կսեղմես
Ճաք-հատ խնդուքը փրկված տատերիս:

Ծով-հորովելներ տաք ծոցդ կառնես,
Հին չիբուխների ծխով կարբենաս,
Լեռնադաշտերի ոսկին կքաղես.
Լեռնահայաստան նորի' ց կունենաս:

Ու իմ աչքերում,
Ու ձեր աչքերում
Նորից ծովից ծով հայ-պար կծփա,
Նանիս օրորը օտար եզերքում,
Օտարի ունկին վայելք չի' մնա:

Ու տաճարները մեր կճանաչես
Ամեն թարթի մեջ խնդուն աչքերիս,
Հայնակ կխնկես,
Ներբող կմանես
Հայերեն ծնված քարախաչերիս:

Նելլի Ռումել 2014